来源：雪球App，作者： Forever，（https://xueqiu.com/4138302318/304354246）
超級金融風暴
今次美國班金融精英玩財技, 累別人輸錢算是小事了, 但玩到連自己都死埋, 都算是奇聞了. 五大投資銀行, 居然死剩兩間, 真係和90年的日本有得比, 如果連大摩和高盛都死埋就好玩了.今次的風暴會持續幾耐就沒有人知道了, 不過別人的危, 就是我的機會. 於 15th September 2008
風聲鶴唳、草木皆兵
美股暴挫500點, 金融機構一間接一間出事, 投資人的信心已經崩潰了, 能夠參與其中, 真是穫益良多, 但要避免被今次的災難影響, 日後投資變得過份小心謹慎. 雖然沒有多餘的子彈入市, 但還有個月供計劃, 準備去銀行加大個月供金額了, 繼續在市場吸納平貨. 於 6th October 2008
跳樓仆街式插法
今次不止鮮血滿地了, 係屍骸遍地.....講什麼分析都無鬼用了, 信心已經崩潰了. 於 8th October 2008
Something else....
世界並無末日, 何必日日都活在恐慌中呢, 資產大縮水係全球性的問題, 並非個人獨有, 都係輕鬆面對吧, 就算失業又如何, 都係捱一排就能搵返份工, 在香港又不會餓死的. 最近十年大家經歷的恐慌性事件都不少, 又係轉眼之間就過去了, 股市跌到9千點又如何, 財富亦一次比一次多, 都係聽下歌啦於 21st October 2008
:( == @@
想不到什麼形容詞了, 從來未見過這麼恐怖的情況, 匯豐系表演雙人跳水, 在UK市場跌到80元, 渣打緊追匯豐, 跌到91元, 會不會過匯豐頭呢? 市場要錢不要貨......股市已經變成無底深淵.........黑洞和吃錢惡魔. 於 24th October 2008
肅殺
恐怖的十月份終於過去了, 但會否在未來的日子重演呢? 不得而已, 唯有步步為營, 小心前進. 今次的美國金融風暴威力遠遠超出了自己的個人預期, 有預知能力, 一早就應該在3萬點賣哂所有的股票, 和在1萬點買回來了. 可惜這是白日夢, 投資的損失就難以避免了, 可幸的是大部份都是帳面損失. 在10月最後的一個星期, 已經按計劃將組合轉換成滿倉的中資銀行股了. 幾年之後, 看看能否戰勝大市了. 於 10th November 2008
冬眠
最近的興趣轉左去其他的地方, 加上忙於寫論文, 這段時間連股價都很少看了, 有的似熊仔冬眠一樣. 目前的策略都係用小部份股票做下短線買賣, 在12000左右買, 在14000放. 當做下實戰練習, 輸贏都是有限錢. 目前的經濟正在轉差, 愈來愈多朋友失業了, 自今月起包括埋自己~，大部份人買貨的意欲不多, 相信來緊1年都是上落市多, 買貨亦不用心急可以慢慢收集。 今個月計劃出外看看風景，品嚐下美食. 應該都沒有什麼可以更新了. 不過危中有機，面對困難千萬不要失去信心～柳暗花明又一村。 於 6th December 2008
好年
今年的開市不錯, 順道將之前旅費都賺了回來了, 大家都預計09年的經濟肯定會衰退了, 但在股市上反而不一定, 因為上年實在太差了, 要有08年咁多黑天鵝事件再次發生, 機率又再少了一些. 不過要急速V型反彈, 肯定沒有可能了. 個人覺得今年都是波幅市在12000 至 18000之間, 低於1萬點的相對比較輕微, 因為這在很多投資人的預期之中, 除非又來了一群黑天鵝, 所以09年是收集股票的好時機, 09和10年有時似04和05年, 大牛市可能在11年才會出現. 對於銀行和保險股, 都因為預期中會衰退了, 大跌的機會反而不太大, 而已調整都不少了, 而且銀行股大多都有4-5%的利息. 最近內需股的P／E令我再度思考所謂的deleveraging係會點呢.....股市是否會像的專家所說咁會估值大不如前呢????????於 5th January 2009
危中有機
呢兩日突然又爆了一單翻版安龍出來, 歐美相繼有幾位有錢佬自殺, 外資行和超人李又在狂賣銀行股, 令投資人對股市的戒心更大, 短期內, 肯定無運行. 上年香港數十年的電器泰林老店突然死亡, 不過另一邊大陸電器老二的蘇寧正準備殺入香港大展拳腳, 有人看差的同時, 亦有人看好.
沒有咁多黑天鵝都無咁多平價貨賣. 目前不是要買今年不受影響的企業, 這類股票的性價比實在太低啦, 而要找出短暫受暫, 能在熊市中生存和擴大的企業, 熊市過後, 反彈肯定非常驚人. 前提係你的收人好穩定，不等錢使，ＥＱ過人。
PS: 來緊又要準備考試和返新工了.......今次都幾神奇, 幾份工都係自動搵上門.....@@唔使到處搵.於 8th January 2009
